ព្រឹកថ្ងៃពុធ ១១កើត ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៤ ខែមីនា ឆ្នាំ២០២០ មានកិច្ចប្រជុំពិនិត្យវឌ្ឍន៍ភាពការងារគណនេយ្យភាពសង្គម​ប្រចាំ​ត្រីមាសទី១ ឆ្នាំ២០២០ នៅ​សាល​ប្រជុំ​សាលា​ខេត្ត​អគារ​ខាងត្បូង ក្រោមអធិបតីភាព លោក ហន ភក្តី នាយក​រង​រដ្ឋបាល​ខេត្ត​កំពង់ស្ពឺ និងមាន​អញ្ជើញ​ចូលរួម​ពីលោក លោកស្រី អភិបាលរងស្រុក នាយករដ្ឋបាលស្រុក ប្រធានការិយាល័យគាំទ្រឃុំ មន្រ្តីបង្គោលថ្នាក់ស្រុក មន្ទីរអង្គភាពពាក់ព័ន្ធ អង្គការដៃគូ សរុបចំនួន៣២នាក់។
ការងារគណនេយ្យភាពសង្គម៖ គឺជាកម្មវិធី​​របស់​ថ្នាក់​ជាតិ​ ត្រូវបាន​​អនុវត្ត​​នៅ​​ស្រុកទាំង៧​របស់ខេត្តកំពង់ស្ពឺ ដោយ​ផ្តោតលើ​អង្គភាព​ផ្តល់​​សេវា​ទាំង៣ ក្នុងនោះ​មានរដ្ឋបាល​ឃុំចំនួន​៨២ សាលា​​បឋម​សិក្សាចំនួន២៩៨ និងមណ្ឌលសុខភាពចំនួន៥៤ ។